Futbol bo‘yicha Rossiya terma jamoasining rasmiy telegram-kanalida bosh murabbiy Valeriy Karpinning Toshkent mehmonxonalaridan birida Italiyaning “Roma” klubi va O‘zbekiston milliy terma jamoasi hujumchisi Eldor Shomurodov bilan uchrashgani aks etgan video namoyish etildi.
Uchrashuv Rossiya va O‘zbekiston terma jamoalari o‘rtasidagi o‘rtoqlik uchrashuvidan ikki kun oldin bo‘lib o‘tdi. Shomurodov bungacha Karpin boshchiligidagi “Rostov”da o‘ynagan. Rossiya klubida o‘tkazgan to‘rt mavsum davomida O‘zbekiston terma jamoasi hujumchisi 91 o‘yin o‘tkazib, 18 gol va 12 golga assistentlik qilgan. Shomurodov 2020 yilda "Rostov"ni tark etgandi. Forvard “Jenoa”ga 9 million yevroga sotildi.