Londonning “Arsenal” klubi va Fransiya terma jamoasining sobiq yarim himoyachisi Emmanuel Peti Braziliya terma jamoasining Qatarda bo‘lib o‘tadigan jahon chempionatidagi istiqbollari haqida o‘z fikrlari bilan o‘rtoqlashdi.
“Braziliyaliklar g‘alaba uchun harakat qilishadi. Janubiy Amerika termalari 20 yildan beri jahon chempionligini qo‘lga kirita olmayapti. "Selesao"da tajribali futbolchilar ko‘p, Neymar esa yetakchi. Uning uchun bu jahon chempionati va “Oltin to‘p”ni qo‘lga kiritish uchun so‘nggi imkoniyat. Endi u har qachongidan ham ko‘proq o‘zini dunyoning eng zo‘rlaridan biri ekanligini hammaga isbotlamoqchi", - deya Emmanueldan iqtibos keltiradi Live Score.
Braziliya terma jamoasi jahon chempionati guruh bosqichida Kamerun, Serbiya va Shveysariya bilan kuch sinashadi.
