Лондоннинг “Арсенал” клуби ва Франция терма жамоасининг собиқ ярим ҳимоячиси Эммануэл Пети Бразилия терма жамоасининг Қатарда бўлиб ўтадиган жаҳон чемпионатидаги истиқболлари ҳақида ўз фикрлари билан ўртоқлашди.
“Бразилияликлар ғалаба учун ҳаракат қилишади. Жанубий Америка термалари 20 йилдан бери жаҳон чемпионлигини қўлга кирита олмаяпти. "Селесао"да тажрибали футболчилар кўп, Неймар эса етакчи. Унинг учун бу жаҳон чемпионати ва “Олтин тўп”ни қўлга киритиш учун сўнгги имконият. Энди у ҳар қачонгидан ҳам кўпроқ ўзини дунёнинг энг зўрларидан бири эканлигини ҳаммага исботламоқчи", - дея Эммануэлдан иқтибос келтиради Live Score.
Бразилия терма жамоаси жаҳон чемпионати гуруҳ босқичида Камерун, Сербия ва Швейцария билан куч синашади.
