O‘zbekiston milliy terma jamoasi himoyachisi Rustam Ashurmatov Rossiya terma jamoasi bilan o‘tkaziladigan sinov o‘yini arafasida o‘z fikrlarini bildirib o‘tdi. O‘rtoqlik uchrashuvi ertaga, 20 noyabr kuni Toshkentda bo‘lib o‘tadi.

“Bu o‘yinda favorit bo‘lamiz deb o‘ylamayman. Chunki har qanday davlatda Rossiya favorit hisoblanadi. Lekin o‘yin, menimcha, teng bo‘ladi. Hozir kim g‘alaba qozonishini ayta olmayman.

Bu oddiy o‘rtoqlik o‘yini. Biz uchun ham, raqib uchun ham. Bungacha Qozog‘iston bilan o‘ynadik, o‘yin atrofida ham ko‘p gaplar bo‘ldi: derbi, derbi, derbi. Lekin o‘sha o‘yin ham aslida faqat o‘rtoqlik uchrashuvi va tayyorgarlik bosqichi edi. Biz bu bahsga ham odatdagidek tayyorgarlik ko‘ryapmiz", - deya Ashurmatovning so‘zlarini keltiradi Match TV.

17 noyabr kuni Valeriy Karpin shogirdlari nazorat uchrashuvida Tojikiston terma jamoasi bilan to‘qnash kelishdi. Uchrashuv 0:0 hisobida yakunlandi.