Ўзбекистон миллий терма жамоаси ҳимоячиси Рустам Ашурматов Россия терма жамоаси билан ўтказиладиган синов ўйини арафасида ўз фикрларини билдириб ўтди. Ўртоқлик учрашуви эртага, 20 ноябрь куни Тошкентда бўлиб ўтади.
“Бу ўйинда фаворит бўламиз деб ўйламайман. Чунки ҳар қандай давлатда Россия фаворит ҳисобланади. Лекин ўйин, менимча, тенг бўлади. Ҳозир ким ғалаба қозонишини айта олмайман.
Бу оддий ўртоқлик ўйини. Биз учун ҳам, рақиб учун ҳам. Бунгача Қозоғистон билан ўйнадик, ўйин атрофида ҳам кўп гаплар бўлди: дерби, дерби, дерби. Лекин ўша ўйин ҳам аслида фақат ўртоқлик учрашуви ва тайёргарлик босқичи эди. Биз бу баҳсга ҳам одатдагидек тайёргарлик кўряпмиз", - дея Ашурматовнинг сўзларини келтиради Матч ТВ.
17 ноябрь куни Валерий Карпин шогирдлари назорат учрашувида Тожикистон терма жамоаси билан тўқнаш келишди. Учрашув 0:0 ҳисобида якунланди.