"Barselona" bu mavsumdagi uy uchrashuvlarida Yevropada eng ko‘p muxlislarni jalb qilmoqda.

Mundo Deportivo nashri xabariga ko‘ra, La Liganing 2022/23 yilgi mavsumining birinchi qismida "Kamp Nou"ga o‘rtacha tashrif buyuruvchilar soni 83 194 nafarni tashkil qilgan. Joriy mavsumda "Barselona"ning ikkita o‘yinida - "Inter" (3:3, 92 302 kishi) va "Almeriya" (2:0, 92 605 muxlis)ga qarshi o‘yinda 90 000 dan ortiq muxlis tashrif buyurdi.

Joriy mavsumda o‘rtacha tomoshabinlar soni bo‘yicha Yevropaning eng yaxshi 10 klubi quyidagilar:

1. "Barselona" (liga o‘yinlarida 83 194);

2. "Borussiya Dortmund" (81 032);

3. "Bavariya" (75 007);

4. «Manchester Yunayted» (74 184);

5. “Milan” (72 656);

6. “Inter” (72 080);

7. "Marsel" (62,136);

8. "Roma" (61 794);

9. «Shalke» (60 870);

10. “Arsenal” (60,135).

Eslatib o‘tamiz, "Real Madrid"ning joriy mavsumdagi uy uchrashuvlariga o‘rtacha tashrifi 57 552 kishini, "Atletiko" esa 54 507 kishini tashkil qilgan.