Amerika Qo‘shma Shtatlari sarmoyadorlari "PSJ"ning ulushini sotib olishni rejalashtirmoqda, deya xabar beradi Lequipe nashri. Nomi oshkor etilmagan fond Parij klubining 10-15 foizini sotib olmoqchi.
Ayni paytda klubning to‘liq egasi Qatar Sports Investment hisoblanadi. Qatarlik investorlar 2011 yilda "PSJ"ni sotib olishgan. O‘shandan beri jamoa sakkiz marta Fransiya chempioniga aylangan.
Liga 1ning joriy mavsumida Kristof Galtye shogirdlari eng yaqin ta’qibchisidan besh ochko oldinda borib, ishonchli tarzda peshqadamlik qilmoqda. Jamoa Chempionlar ligasining 1/8 finaliga chiqdi va u Yerda "Bavariya" bilan uchrashadi.
