Taniqli murabbiylar Arsen Venger, Yurgen Klinsmann va Alberto Dzakkeroni JCH-2022 o‘yinlarini texnik o‘rganish bilan shug‘ullanadigan jamoaga qo‘shildi, deb xabar beradi BBC.
Shuningdek, ushbu guruhga Nigeriya terma jamoasining sobiq futbolchisi Sandey Olise, Koreya terma jamoasining sobiq futbolchisi Cha Du Ri, Kolumbiya terma jamoasining sobiq darvozaboni Farid Mondragon va Shveysariya terma jamoasining sobiq darvozaboni Paskal Suberblyuler ham kirgan.
JCH-2022 o‘yinlarining ushbu "texnik o‘rganish guruhi" davom etayotgan turnir haqidagi ma’lumotlarni to‘playdi va tahlil qiladi.
Jahon chempionati 20 noyabrdan 18 dekabrga qadar Qatarda bo‘lib o‘tadi.