Angliya terma jamoasi yarim himoyachisi Jordan Xenderson JCH-2022 uning faoliyatidagi so‘nggisi bo‘ladimi, degan savolga javob berdi.

“To‘g‘risini aytsam, oxirgi jahon chempionati qachon bo‘lishini hech qachon bila olmaysiz. Yigirma bir, yigirma olti yoshda bo‘lsangiz ham, qaysi yoshda bo‘lishingizdan qat’iy nazar, hech qachon aniq bilmaysiz, chunki bu turnir tez-tez o‘tkazilmaydi. Har safar Jahon chempionatida o‘ynaganimda, men unga oxirgi o‘yinimdek munosabatda bo‘laman", - dedi Xenderson.

Futbol bo‘yicha 2022 yilgi jahon chempionati 20 noyabrdan 18 dekabrga qadar Qatarda bo‘lib o‘tadi. Angliyaning B guruhidagi raqiblari AQSH, Eron va Uels bo‘ladi. 1-turda Garet Sautgeyt shogirdlari 21 noyabr kuni Eron terma jamoasi bilan uchrashadi.