Англия терма жамоаси ярим ҳимоячиси Жордан Хендерсон ЖЧ-2022 унинг фаолиятидаги сўнггиси бўладими, деган саволга жавоб берди.
“Тўғрисини айтсам, охирги жаҳон чемпионати қачон бўлишини ҳеч қачон била олмайсиз. Йигирма бир, йигирма олти ёшда бўлсангиз ҳам, қайси ёшда бўлишингиздан қатъий назар, ҳеч қачон аниқ билмайсиз, чунки бу турнир тез-тез ўтказилмайди. Ҳар сафар Жаҳон чемпионатида ўйнаганимда, мен унга охирги ўйинимдек муносабатда бўламан", - деди Хендерсон.
Футбол бўйича 2022 йилги жаҳон чемпионати 20 ноябрдан 18 декабрга қадар Қатарда бўлиб ўтади. Англиянинг B гуруҳидаги рақиблари АҚШ, Эрон ва Уэльс бўлади. 1-турда Гарет Саутгейт шогирдлари 21 ноябрь куни Эрон терма жамоаси билан учрашади.
