"Inter" hujumchisi Lautaro Martinesga "Manchester Yunayted" qiziqish bildirmoqda, deb yozadi La Gazette Dello Sport.
"Manchester Yunayted" 25 yoshli futbolchini qo‘lga kiritish urinishlaridan voz kechmayapti, shu bois yaqinda uning vakili bilan dastlabki muzokaralarni o‘tkazdi.
Lautaro Martinesning "Inter" bilan shartnomasi 2026 yilgacha mo‘ljallangan. Transfermarkt portali futbolchining narxini 75 million yevroga baholamoqda.
Hujumchi joriy mavsumda “neradzurrilar” safida barcha turnirlarda 21 o‘yinda 8 ta gol urdi va 6 ta golli uzatmani amalga oshirdi.