Bugun Qatarning Al-Haur shahrida, «El-Bayt Arena»da bo‘lib o‘tgan jahon chempionatining ochilish o‘yiniga 67 372 tomoshabin tashrif buyurdi. Bu raqam «Sport-Ekspress»ga ma’lum bo‘ldi.

Eslatib o‘tamiz, tarixda birinchi marta jahon chempionatining debyut uchrashuvi mezbon jamoaning mag‘lubiyati bilan yakunlangandi.

Ekvador terma jamoasi Qatar termasidan ancha kuchli bo‘lib chiqdi va ishonchli g‘alaba qozondi - 2:0. O‘yinning birinchi bo‘limidagi ikkala gol ham «Fenerbaxche» va Ekvador terma jamoasining yulduz hujumchisi Enner Valensiya tomonidan kiritildi.

Al-Xaurdagi «El-Bayt Arena»da jahon chempionati guruh bosqichining yana beshta o‘yini, undan so‘ng esa turnirning 1/8 final, 1/4 final va yarim finalning har bir o‘yini bo‘lib o‘tadi.