JCH-2022 doirasida Angliyaga qarshi o‘yinda (2:6) boshidan jarohat olgan eronlik darvozabon Aliriza Beyranvand endi turnirda ishtirok etmaydi, deb xabar beradi “Xabaronline”.
Manbaga ko‘ra, o‘yindan so‘ng u miya chayqalishi bilan kasalxonaga yotqizilgan va endi u JCH-2022ni o‘tkazib yuborishi ma’lum bo‘ldi.
Angliya bilan o‘yinning birinchi bo‘limi boshida Beyravand to‘pga chiqish chog‘ida o‘z himoyachisi Majid Husayniga borib urildi. Avvaliga Beyravand qolishga va o‘yinni davom ettirishga qaror qildi, ammo deyarli darhol murabbiyga o‘zini almashtirish kerakligini ko‘rsatdi, uni zambilda maydondan olib ketishdi.
Eron “B” guruhida so‘nggi o‘rinni egallab turibdi (0 ochko). Jamoa navbatdagi o‘yinini 25 noyabr kuni Uelsga qarshi o‘tkazadi. Boshlanishi Toshkent vaqti bilan soat 15.00 da.
