ЖЧ-2022 доирасида Англияга қарши ўйинда (2:6) бошидан жароҳат олган эронлик дарвозабон Алириза Бейранванд энди турнирда иштирок этмайди, деб хабар беради “Xabaronline”.

Манбага кўра, ўйиндан сўнг у мия чайқалиши билан касалхонага ётқизилган ва энди у ЖЧ-2022ни ўтказиб юбориши маълум бўлди.

Англия билан ўйиннинг биринчи бўлими бошида Бейраванд тўпга чиқиш чоғида ўз ҳимоячиси Мажид Ҳусайнига бориб урилди. Аввалига Бейраванд қолишга ва ўйинни давом эттиришга қарор қилди, аммо деярли дарҳол мураббийга ўзини алмаштириш кераклигини кўрсатди, уни замбилда майдондан олиб кетишди.

Эрон “B” гуруҳида сўнгги ўринни эгаллаб турибди (0 очко). Жамоа навбатдаги ўйинини 25 ноябрь куни Уэльсга қарши ўтказади. Бошланиши Тошкент вақти билан соат 15.00 да.