PSV hujumchisi Kodi Gakpo "Manchester Yunayted"ga o‘tishi mumkin. Ingliz klubi bu boradagi ishlarni faollashtirdi, deb xabar beradi NOC.
Shu bilan birga, futbolchining o‘zi bu mavsumni PSV tarkibida yakunlashni va yozda boshqa klubga o‘tish variantini ko‘rib chiqishni afzal ko‘rdi.
Oldinroq "Manchester Yunayted" qishda 23 yoshli futbolchini 50 million yevro evaziga sotib olishi mumkinligi haqida xabarlar tarqalgan edi. Bundan tashqari, "Lids" ham Gakpo uchun da’vogarlik qilmoqda.
Gakpo joriy mavsumda PSV safida 23 ta o‘yinda maydonga tushib, 13 ta gol urdi va 17 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.