ПСВ ҳужумчиси Коди Гакпо "Манчестер Юнайтед"га ўтиши мумкин. Инглиз клуби бу борадаги ишларни фаоллаштирди, деб хабар беради NOC.
Шу билан бирга, футболчининг ўзи бу мавсумни ПСВ таркибида якунлашни ва ёзда бошқа клубга ўтиш вариантини кўриб чиқишни афзал кўрди.
Олдинроқ "Манчестер Юнайтед" қишда 23 ёшли футболчини 50 миллион евро эвазига сотиб олиши мумкинлиги ҳақида хабарлар тарқалган эди. Бундан ташқари, "Лидс" ҳам Гакпо учун даъвогарлик қилмоқда.
Гакпо жорий мавсумда ПСВ сафида 23 та ўйинда майдонга тушьиб, 13 та гол урди ва 17 та голли узатмани амалга оширди. Унинг клуб билан шартномаси 2026 йилнинг ёзига қадар мўлжалланган.