Fransiya terma jamoasi hujumchisi Antuan Grizmann Qatarda bo‘lib o‘tadigan JCH-2022 doirasidagi Avstraliya bilan o‘yin (4:1)da terma jamoadagi sherigi Olivye Jiruning o‘yini haqida fikr bildirdi.

“Terma jamoada maydon markaziga yaqinroq o‘ynashim men uchun muammo emas. Eng muhimi - jamoa manfaati.

Men har doim jamoaga kerakli narsani qilaman. Menimcha, bu men uchun yanada yaxshi, chunki o‘yinni markazdan yaxshiroq o‘qiyman. Hamma narsa a’lo darajada bo‘lsa, biz g‘alaba qozonamiz.

Biz ishlashda davom etishimiz kerak. Bu birinchi o‘yin, biz o‘zimizni zo‘r deb o‘ylamasligimiz kerak.

Jiru? Olivye gol ursa ham, gol urmasa ham biz uchun har doim muhim futbolchi bo‘lib qoladi, u bizga qiymat keltiradi.

Biz unga yaxshi lahzalarni o‘tkazishi uchun eng yaxshi sharoitlarni yaratishga harakat qilmoqdamiz. Umid qilamanki, biz unga bu rekordni (Tyerri Anrining Fransiya terma jamoasidagi gollari bo‘yicha rekordini) yangilashda yordam bera olamiz”, - deydi Grizmann.