Франция терма жамоаси ҳужумчиси Антуан Гризманн Қатарда бўлиб ўтадиган ЖЧ-2022 доирасидаги Австралия билан ўйин (4:1)да терма жамоадаги шериги Оливье Жирунинг ўйини ҳақида фикр билдирди.
“Терма жамоада майдон марказига яқинроқ ўйнашим мен учун муаммо эмас. Энг муҳими - жамоа манфаати.
Мен ҳар доим жамоага керакли нарсани қиламан. Менимча, бу мен учун янада яхши, чунки ўйинни марказдан яхшироқ ўқийман. Ҳамма нарса аъло даражада бўлса, биз ғалаба қозонамиз.
Биз ишлашда давом этишимиз керак. Бу биринчи ўйин, биз ўзимизни зўр деб ўйламаслигимиз керак.
Жиру? Оливье гол урса ҳам, гол урмаса ҳам биз учун ҳар доим муҳим футболчи бўлиб қолади, у бизга қиймат келтиради.
Биз унга яхши лаҳзаларни ўтказиши учун энг яхши шароитларни яратишга ҳаракат қилмоқдамиз. Умид қиламанки, биз унга бу рекордни (Тьерри Анрининг Франция терма жамоасидаги голлари бўйича рекордини) янгилашда ёрдам бера оламиз”, - дейди Гризманн.
