Yengil vazn toifasida sobiq UFC chempioni Xabib Nurmagomedov o‘zining ijtimoiy tarmoqlarida yangi post joylashtirdi va u yerda Saudiya Arabistoni termasining JCH-2022da Argentina terma jamoasiga qarshi o‘yindagi g‘alabasi (2:1) haqida qisqacha izoh berdi.
"Mening tabriklarim! Bu tarix”, - deb yozgan Xabib.
Eslatib o‘tamiz, Argentina va Saudiya Arabistoni terma jamoalari kecha, 22 noyabr kuni to‘qnash kelishdi. Har ikki jamoa uchun bu o‘yin turnirdagi dastlabkisi bo‘ldi. “C” guruhining boshqa ishtirokchilari Meksika va Polsha terma jamoalari keyinroq durang o‘ynadi (0:0). Shu tariqa Saudiya Arabistoni futbolchilari guruhda peshqadamlik qilishmoqda. Argentina terma jamoasi ayni damda oxirgi o‘rinda bormoqda.
