"Manchester Siti" bosh murabbiyi Pep Gvardiola klub bilan yangi shartnoma imzolaganidan so‘ng o‘z his-tuyg‘ulari bilan o‘rtoqlashdi.
Shartnomaga ko‘ra, murabbiy "Siti"da kamida 2025 yilgacha qoladi.
Ispaniyalik murabbiyning so‘zlariga ko‘ra, u "shaharliklar" bilan ishlashda davom etishidan juda xursand.
"Men "Manchester Siti"da o‘zimni yaxshi va qulay his qilyapman. Bu yerda o‘z ishimni iloji boricha yaxshiroq bajarishim uchun kerak bo‘lgan hamma narsa bor. Men uchun bundan yaxshi joy yo‘q.
Klub bilan birgalikda ko‘proq yutuqlarga erishishimizga ishonaman, shuning uchun men qolishni va sovrinlar uchun kurashni davom ettirishni xohlayman", dedi u.
