«Manchester Siti» bosh murabbiyi Xosep Gvardiola o‘z jamoasi bilan shartnomani 2025 yilgacha uzaytirganiga izoh berib o‘tdi.

«Men yana ikki yilga ko‘proq «Manchester Siti»ni boshqarishdan mamnunman (murabbiyning avvalgi shartnomasi 2023 yilda yaknulanardi). Ishonch uchun klubdagi barchaga minnatdorchilik bildirish uchun munosib so‘z topa olmayman. Bu yerda o‘zimni juda yaxshi his etaman. Bu yerda o‘z ishimni imkon qadar yaxshiroq bajarish uchun menga kerak bo‘lgan barcha narsa bor.

Klub uchun keyingi 10 yil ajoyib bo‘ladi. Chunki o‘tgan 10 yil ham ajoyib o‘tdi. Bu klubda barqarorlik bor.

Klubga kelgan ilk kunlarimdanoq qandaydir o‘ziga xoslik his qilganman. Men uchun bu klubdan yaxshiroq joy yo‘q. Birgalikda ko‘p yutuqlarga erishishimiz mumkinligini his qilyapman. Shu bois, "Siti"da qolib, sovrinlar uchun kurashda davom etishni xohlayman», — dedi Gvardiola klub matbuot xizmatiga bergan intervyusida.