Xorvatiya terma jamoasi yarim himoyachisi Nikola Vlashich jahon chempionati guruh bosqichi 1-turi doirasida Marokashga qarshi kechgan uchrashuv (0:0) natijasi haqida fikr bildirdi, shuningdek, jarohati sabab almashtirilgani haqida gapirdi.
Futbolchi Xorvatiya termasiga raqib himoyasida bo‘shliq topish oson bo‘lmagani, shu sabab gol ura olmaganini ta’kidladi. Bundan tashqari, Vlashichning so‘zlariga ko‘ra, Marokash terma jamoasi darvozaboni Bono yaxshi o‘yin o‘tkazib, terma jamoasini bir nechta muqarrar goldan saqlab qolganini aytdi.
"Jarohat borasida men og‘riqni his qildim, shuning uchun ehtiyot chorasi sifatida maydonni tark etdim. Oldindan hech narsa demoqchi emasman, hammasini test natijalarida ko‘ramiz", - dedi Vlashich Sportske Novosti bilan suhbatda.
Xorvatiya terma jamoasi jahon chempionatidagi navbatdagi o‘yinini 27 noyabr kuni Kanadaga qarshi o‘tkazadi. Uchrashuv Toshkent vaqti bilan soat 21:00da boshlanadi.
