Хорватия терма жамоаси ярим ҳимоячиси Никола Влашич жаҳон чемпионати гуруҳ босқичи 1-тури доирасида Марокашга қарши кечган учрашув (0:0) натижаси ҳақида фикр билдирди, шунингдек, жароҳати сабаб алмаштирилгани ҳақида гапирди.
Футболчи Хорватия термасига рақиб ҳимоясида бўшлиқ топиш осон бўлмагани, шу сабаб гол ура олмаганини таъкидлади. Бундан ташқари, Влашичнинг сўзларига кўра, Марокаш терма жамоаси дарвозабони Боно яхши ўйин ўтказиб, терма жамоасини бир нечта муқаррар голдан сақлаб қолганини айтди.
"Жароҳат борасида мен оғриқни ҳис қилдим, шунинг учун эҳтиёт чораси сифатида майдонни тарк этдим. Олдиндан ҳеч нарса демоқчи эмасман, ҳаммасини тест натижаларида кўрамиз", - деди Влашич Sportske Novosti билан суҳбатда.
Хорватия терма жамоаси жаҳон чемпионатидаги навбатдаги ўйинини 27 ноябрь куни Канадага қарши ўтказади. Учрашув Тошкент вақти билан соат 21:00да бошланади.
