Argentina terma jamoasi hujumchisi Alexandro Gomes jahon chempionatidan so‘ng «Sevilya»ni tark etishi mumkin, deb xabar beradi TuttoMercatoWeb.
Manbaga ko‘ra, 34 yoshli vingerga "Verona" va MLSning "Sinsinnati" klublari qiziqish bildirmoqda.
Futbolchining ispan klubi bilan amaldagi shartnomasi 2024 yilning yoziga qadar tuzilgan. Transfermarkt Gomesni 4 mln yevroga baholagan.
Joriy mavsumda futbolchi andalusiyaliklar safida 17 ta o‘yin o‘tkazib, ikkita golli uzatmani amalga oshirgan.
Gomes 2021 yilning yanvaridan beri «Sevilya» sharafini himoya qilib kelmoqda. Avvalroq u «Atalanta», «Kataniya», «San-Lorenso» va Xarkovning «Metalist» klublarida o‘ynagan.
