Portugaliyalik yarim himoyachi Brunu Fernandesh Krishtianu Ronalduga nisbatan tanqidlarga munosabat bildirdi.

“Menimcha, u hamma uni tanqid qiladigan muhitda ishlashni yoqtiradi, shuning uchun barchangizdan iltimos qilaman: davom eting. Siz uni tanqid qilganingizda biz uni eng yaxshi holatda ko‘ramiz.

Klub va terma jamoa uchun Ronaldu bilan birga o‘ynash - bu ushalgan orzu, o‘ziga xos narsa.

Hozir men uchun asosiysi Portugaliya imkon qadar yaxshi o‘yin ko‘rsatishi. Bunday holda Ronaldu xursand bo‘ladi, men ham, butun Portugaliya xursand bo‘ladi", - dedi Fernandesh.