Hozirda Qatardagi jahon chempionatida Portugaliya terma jamoasi safida to‘p surayotgan “Portu” darvozaboni Diogu Koshta klubni tark etishi mumkin.
"Chelsi" 23 yoshli futbolchini kelasi mavsum uchun qo‘lga kiritish uchun dastlabki aloqalarni o‘rnatdi, deb xabar beradi A Bola Relevo nashriga tayanib. "Ko‘klar" asosiy tarkibdan joy uchun Kepa Arrisabalaga bilan raqobat qiladigan Koshtaga joy bo‘shatish uchun darvozabon Eduard Mendini sotib yubormoqchi. "Manchester Yunayted" ham Koshtaning taraqqiyotini diqqat bilan kuzatib bormoqda.
Qayd etilishicha, portugaliyalik darvozabonning agenti Xorxe Mendesh yozda o‘z tarbiyalanuvchisi uchun yangi klub topmoqchi va “Portu” rahbariyati bu rejalardan allaqachon xabardor. Shu bilan birga, uning shartnomasida 75 million yevro miqdoridagi tovon puli mavjud.
Koshta Qatarda bo‘lib o‘tgan JCH-2022da Portugaliya terma jamoasi safida Ganaga qarshi (3:2) bitta o‘yin o‘tkazib, ikkita gol o‘tkazib yuborgan.
“Portu” darvozaboni joriy mavsumda barcha turnirlarda 19 ta o‘yinda maydonga tushib, 16 ta gol o‘tkazib yubordi va 9 ta o‘yinda o‘z darvozasi dahlsizligini saqlab qoldi.