Madridning "Real" klubi "Napoli" va Slovakiya terma jamoasi yarim himoyachisi Stanislav Lobotkaga qiziqish bildirmoqda. Bu haqda Calciomercato xabar berdi.
Manbaning xabariga ko‘ra, ispan klubi qishki yoki yozgi transfer oynasida futbolchi sotib olish variantini ko‘rib chiqmoqda. Transfer summasi 60-70 million yevroni tashkil qilishi mumkin.
28 yoshli Lobotka joriy mavsumda “Napoli” safida barcha turnirlar doirasida 21 ta o‘yinda maydonga tushib, 1 ta gol va bitta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.
