Мадриднинг "Реал" клуби "Наполи" ва Словакия терма жамоаси ярим ҳимоячиси Станислав Лоботкага қизиқиш билдирмоқда. Бу ҳақда Calciomercato хабар берди.
Манбанинг хабарига кўра, испан клуби қишки ёки ёзги трансфер ойнасида футболчи сотиб олиш вариантини кўриб чиқмоқда. Трансфер суммаси 60-70 миллион еврони ташкил қилиши мумкин.
28 ёшли Лоботка жорий мавсумда “Наполи” сафида барча турнирлар доирасида 21 та ўйинда майдонга тушиб, 1 та гол ва битта голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.