Gollandiyalik sobiq futbolchi Frank de Bur 2022 yilda Qatarda bo‘lib o‘tadigan jahon chempionati favoritini aytdi.

«Mening g‘alabaga asosiy da’vogarim – Braziliya terma jamoasi. Ular Serbiyaga qarshi o‘yinda menda katta taassurot qoldirdi.

Serblar ajoyib jamoa olib kelishdi, lekin braziliyaliklar, ayniqsa, ikkinchi bo‘limda yaxshiroq o‘ynashdi», deb yozadi de Bur.

Birinchi turdan so‘ng Braziliya «G» guruhida peshqadamlik qilmoqda.Keyingi o‘yinda Tite shogirdlari Shveysariya termasi bilan to‘qnash kelishadi. Uchrashuv 28 noyabr, dushanba kuni bo‘lib o‘tadi.