Argentina terma jamoasi yarim himoyachisi Enso Fernandes jahon chempionati guruh bosqichining 2-turi doirasidagi Meksika ustidan qozonilgan 2:0 hisobidagi g‘alaba haqida fikr bildirdi.
“Bugungi g‘alabadan juda xursandman, jamoamiz bunga haqli edi. Bizni stadionda qo‘llab-quvvatlash uchun kelgan barcha Argentina xalqi va bizni uyda qo‘llab-quvvatlayotgan barcha insonlarga rahmat, bu g‘alaba sizlarga bag‘ishlanadi.
Ushbu bahslar bizga o‘zimizning eng yaxshi versiyamizni ko‘rsatishga imkon beradi. Biz yana bir g‘alabani qo‘lga kiritishni istaymiz, bu biz uchun juda muhim", - deya Fernandesning so‘zlaridan iqtibos keltiradi Argentina futbol assosiasiyasining ijtimoiy tarmoqlardagi rasmiy sahifasi.
