Аргентина терма жамоаси ярим ҳимоячиси Энцо Фернандес жаҳон чемпионати гуруҳ босқичининг 2-тури доирасидаги Мексика устидан қозонилган 2:0 ҳисобидаги ғалаба ҳақида фикр билдирди.
“Бугунги ғалабадан жуда хурсандман, жамоамиз бунга ҳақли эди. Бизни стадионда қўллаб-қувватлаш учун келган барча Аргентина халқи ва бизни уйда қўллаб-қувватлаётган барча инсонларга раҳмат, бу ғалаба сизларга бағишланади.
Ушбу баҳслар бизга ўзимизнинг энг яхши версиямизни кўрсатишга имкон беради. Биз яна бир ғалабани қўлга киритишни истаймиз, бу биз учун жуда муҳим", - дея Фернандеснинг сўзларидан иқтибос келтиради Аргентина футбол ассоциациясининг ижтимоий тармоқлардаги расмий саҳифаси.
