"Roma" himoyachisi Rik Karsdorp Rimga qaytib keldi va u yerda klub shifokorlari tomonidan ko‘rikdan o‘tmoqda, deb xabar beradi La Gazette Dello Sport.
Futbolchi kelasi haftada klub direktorlari bilan uchrashishi mumkin, chunki ular hozir shaharda emas.
Avvalroq himoyachi “Roma”ga o‘z vaqtida qaytmagan va jamoa bilan Yaponiyaga uchib ketmagandi. 27 yoshli niderlandiyalik futbolchi o‘z xatti-harakatini jamoa bosh murabbiyi Joze Mourinyo bilan ziddiyatdan keyin “psixologik travma” olgani bilan izohladi.
Avvalroq portugaliyalik murabbiy futbolchilardan biri “jamoaga xiyonat qilgani” va unga yangi klub izlash kerakligini aytgandi.
Rim klubi vaziyatni o‘rganmoqda va futbolchini sudga berish imkoniyatini ko‘rib chiqmoqda.
