"Рома" ҳимоячиси Рик Карсдорп Римга қайтиб келди ва у ерда клуб шифокорлари томонидан кўрикдан ўтмоқда, деб хабар беради La Gazette Dello Sport.
Футболчи келаси ҳафтада клуб директорлари билан учрашиши мумкин, чунки улар ҳозир шаҳарда эмас.
Аввалроқ ҳимоячи “Рома”га ўз вақтида қайтмаган ва жамоа билан Японияга учиб кетмаганди. 27 ёшли нидерландиялик футболчи ўз хатти-ҳаракатини жамоа бош мураббийи Жозе Моуриньо билан зиддиятдан кейин “психологик травма” олгани билан изоҳлади.
Аввалроқ португалиялик мураббий футболчилардан бири “жамоага хиёнат қилгани” ва унга янги клуб излаш кераклигини айтганди.
Рим клуби вазиятни ўрганмоқда ва футболчини судга бериш имкониятини кўриб чиқмоқда.
