Fransiya terma jamoasi Qatardagi jahon chempionati guruh bosqichining 2-tur uchrashuvida Daniyani 2:1 hisobida mag‘lub etdi.
Ushbu uchrashuvda fransiyalik hujumchi Antuan Grizmann golli uzatmani amalga oshirdi. U terma jamoadagi faoliyatidagi 26-assistentini amalga oshirdi va bu ko‘rsatkichda mashhur Zinedin Zidanga yetib oldi. Hozir ular eng yaxshi assistentlar ro‘yxatida ikkinchi o‘rinni bo‘lishib turishibdi.
Fransiya terma jamoasining sobiq hujumchisi Tyerri Anri 27 golli uzatma bilan birinchi o‘rinni egallab turibdi.
Eslatib o‘tamiz, ayni damda Anri shuningdek Olivye Jiru bilan eng yaxshi to‘purarlar ro‘yxatida ham birinchi o‘rinni bo‘lishib turibdi - har biri 51 tadan gol.
