Франция терма жамоаси Қатардаги жаҳон чемпионати гуруҳ босқичининг 2-тур учрашувида Данияни 2:1 ҳисобида мағлуб этди.
Ушбу учрашувда франциялик ҳужумчи Антуан Гризманн голли узатмани амалга оширди. У терма жамоадаги фаолиятидаги 26-ассистентини амалга оширди ва бу кўрсаткичда машҳур Зинедин Зиданга етиб олди. Ҳозир улар энг яхши ассистентлар рўйхатида иккинчи ўринни бўлишиб туришибди.
Франция терма жамоасининг собиқ ҳужумчиси Тьерри Анри 27 голли узатма билан биринчи ўринни эгаллаб турибди.
Эслатиб ўтамиз, айни дамда Анри шунингдек Оливье Жиру билан энг яхши тўпурарлар рўйхатида ҳам биринчи ўринни бўлишиб турибди - ҳар бири 51 тадан гол.
