«Manchester Yunayted»ning sobiq futbolchisi Gari Nevill «qizil iblislar» bilan shartnomasini bekor qilgan portugaliyalik hujumchi Krishtianu Ronaldu faoliyatini qayerda davom ettirishi mumkinligini aytdi.
«O‘ylaymanki, Krishtianu Ronaldu top-klub qidiradi va 4-5 oylik shartnoma imzolashga harakat qiladi. O‘ylaymanki, u Yevropa futboli elitasida yorqin epizodik rol o‘ynashga harakat qiladi.
Menimcha, uning oldida to‘rt-besh oy bor, shu vaqt ichida u 15 yoki 20 ta gol uradi.
Katta ehtimol bilan uning uchun ustuvor vazifa Chempionlar ligasida qolish va «Yunayted»ning qanchalik xato qilganini isbotlash bo‘ladi», — deydi Nevill.