Yarim himoyachi Serxio Buskets «Barselona»da ko‘p yillik o‘ynaganidan so‘ng kelasi yozda jamoani tark etadi.

COPE xabariga ko‘ra, mavsum yakunida Buskets MLSda o‘ynaydigan «Inter Mayami» klubi futbolchisiga aylanadi.

«Inter Mayami» Serxio Busketsni erkin agent sifatida sotib oladi - 34 yoshli yarim himoyachining amaldagi shartnomasi shu mavsum oxirigacha hisoblangan.

Oldinroq «Barselona» bosh murabbiyi Xavi Serxio Busketsni yana kamida bir mavsum jamoada saqlab qolishga harakat qilishi haqida xabar berilgandi.

Serxio Buskets «Barselona»ning asosiy jamoasi uchun 696 ta o‘yinda maydonga tushgan. Ushbu bahslar davomida yarim himoyachi 18 ta gol urdi va 42 ta golli uzatmani amalga oshirdi.