Ярим ҳимоячи Серхио Бускетс «Барселона»да кўп йиллик ўйнаганидан сўнг келаси ёзда жамоани тарк этади.
COPE хабарига кўра, мавсум якунида Бускетс МЛСда ўйнайдиган «Интер Майами» клуби футболчисига айланади.
«Интер Майами» Серхио Бускетсни эркин агент сифатида сотиб олади - 34 ёшли ярим ҳимоячининг амалдаги шартномаси шу мавсум охиригача ҳисобланган.
Олдинроқ «Барселона» бош мураббийи Хави Серхио Бускетсни яна камида бир мавсум жамоада сақлаб қолишга ҳаракат қилиши ҳақида хабар берилганди.
Серхио Бускетс «Барселона»нинг асосий жамоаси учун 696 та ўйинда майдонга тушган. Ушбу баҳслар давомида ярим ҳимоячи 18 та гол урди ва 42 та голли узатмани амалга оширди.
