Biroz oldin JCH "F" guruhi ikkinchi turidan o‘rin olgan bahsda Xorvatiya Kanada bilan bahs olib bordi va yirik 4:1 hisobida g‘alaba qozondi.
Bellashuvda dastavval Devis hisobni ochgan bo‘lsa, xorvatlar bunga ketma-ket 4 ta gol bilan javob qaytardi. Jamoa safidagi gollarga Kramarich (36, 70), Livaya (44) va Mayer (90+4) mualliflik qildi.
Shu tariqa, Xorvatiya 4 ochko bilan guruhda peshqadamlik qilmoqda, Kanada esa birorta ham ochko to‘plolmagan holda musobaqa bilan xayrlashdi.
Xorvatiya – Kanada 4:1
Gollar: Kramarich (36, 70), Livaya (44), Mayer (90+4) – Devis (2)
Xorvatiya: Livakovich, Yuranovich, Lovren, Gvardiol, Sosa, Modrich, Kovachich, Brozovich, Perishich, Kramarich, Livaya.
Kanada: Boryan, Lareyya, Vitoriya, Miller, Jonston, Xatchinson, Eushtakiu, Larin, Devid, Byukenen, Devis.
