Liverpool Echo xabariga ko‘ra, "Liverpul" klubning yangi shifokorini tanladi va bu lavozimga Jonatan Pauerni tayinladi.
"Liverpul" tibbiy xizmati 2022 yil avgust oyidan beri, Jon Mokston klubdagi olti yillik faoliyatidan so‘ng iste’foga chiqqanidan beri doimiy rahbarsiz qolayotgan edi.
Jonatan Pauer Dubaydagi yig‘inda Yurgen Klopp jamoasiga qo‘shiladi va yangi yildan keyin to‘liq o‘z vazifasiga kirishadi.
Avvalroq, Pauer Angliyaning asosiy jamoasi shifokori bo‘lib ishlagan, shuningdek, "Brentford" va ikkita regbi klublari hamda "Lids" bilan ishlagan.