Liverpool Echo хабарига кўра, "Ливерпуль" клубнинг янги шифокорини танлади ва бу лавозимга Жонатан Пауэрни тайинлади.
"Ливерпуль" тиббий хизмати 2022 йил август ойидан бери, Жон Мокстон клубдаги олти йиллик фаолиятидан сўнг истеъфога чиққанидан бери доимий раҳбарсиз қолаётган эди.
Жонатан Пауэр Дубайдаги йиғинда Юрген Клопп жамоасига қўшилади ва янги йилдан кейин тўлиқ ўз вазифасига киришади.
Аввалроқ, Пауэр Англиянинг асосий жамоаси шифокори бўлиб ишлаган, шунингдек, "Брентфорд" ва иккита регби клублари ҳамда "Лидс" билан ишлаган.













