Eron AQSH terma jamoasini 10 o‘yinga diskvalifikasiya qilishni talab qildi.

The Guardian xabariga ko‘ra, Eron futbol federasiyasi FIFA axloq qo‘mitasiga shikoyat yuborib, unda Amerika terma jamoasini Eronni kamsitgani uchun diskvalifikasiya qilishni talab qilgan.

«FIFA qoidalariga ko‘ra, mamlakat sha’ni yoki yaxlitligini kamsituvchi har qanday shaxs yoki guruh kamida 10 ta o‘yinga yoki ma’lum muddatga diskvalifikasiya qilinishi kerak», — deyiladi shikoyatda.

Kecha AQSH terma jamoasining ijtimoiy tarmoqlarida JCH-2022 guruh bosqichining ikki turidan so‘ng «B» guruhi jadvali paydo bo‘ldi. Shu bilan birga, Eron bayrog‘ida Islom Respublikasining gerbi yo‘q - faqat yashil, oq va qizil chiziqlar mavjud edi.

AQSH jamoasi bunday bayroq tasvirini «asosiy inson huquqlari uchun kurashayotgan ayollar»ni qo‘llab-quvvatlash uchun joylashtirgani bilan izohladi.

FIFA bu borada izoh berishdan bosh tortdi, biroq tashkilotga yaqin manbalarning aytishicha, AQSHga taqiq qo‘yilmasligi ehtimoldan yiroq emas.

2022 yilgi jahon chempionati guruh bosqichining 3-turida AQSH va Eron terma jamoalari to‘qnash kelishadi.