Braziliya ikki turdan so‘ng 6 ochko olgan ikki jamoaga aylandi. Tite bosimlardan holi, ajoyib muhitdagi, futbolga och jamoa tuzgan.

Bilasizmi, eng e’tiborli jihat nimada? Aytishlaricha, futbolchilar dastlabki 10 gol uchun nishonlash raqslarini ham tayyorlab qo‘yishgan ekan. Gapni qarang, «dastlabki 10», ya’ni undanam ko‘p urishmoqchi. Ammo qiziq tarafi, jamoa o‘yini qaraganingizda, shunday katta gaplarga xos pijonlikni, ortiqcha karnavalcha kayfiyatni ham ko‘rmaysiz. O‘yin oxirigacha diqqat jamlangan holda, murabbiy ko‘rsatmalari, tartib yo‘qolib qolmayapti.

Neymar, Vinisius, Risharlison, Antoni, Jezus, Rafinya kabilarni bir yerga yig‘ib, faqat maydon tashqarisida va gol nishonlayotganda bayramona, boshqa payt jiddiy o‘ynashga o‘rgatish oson ish emas.

Masalan, Braziliya o‘yinning qaysi pallasida bo‘lsayam, birinchi golni ursa, «bo‘ldi, yutdi» deb yuboryapsizmi, siz ham? Bu jamoaning qanaqadir kuchli himoyaga ega ekanidan yoki o‘yinni yaxshi o‘ldirishidan emas, aksincha, faqat Braziliya har ikki o‘yinining har daqiqasini o‘z nazoratida o‘tkazdi. Gol urgan sari esa, yanada kuchaya bordi.

Har safar turnir davomida o‘z muxlislarini, boshqalarning simpatiyasini ko‘paytirib boradigan jamoalar bo‘ladi.

Men ushbu mundial boshida biror jamoaga muxlis emasdim...

Qahramon Aslanov.