Бразилия икки турдан сўнг 6 очко олган икки жамоага айланди. Тите босимлардан ҳоли, ажойиб муҳитдаги, футболга оч жамоа тузган.

Биласизми, энг эътиборли жиҳат нимада? Айтишларича, футболчилар дастлабки 10 гол учун нишонлаш рақсларини ҳам тайёрлаб қўйишган экан. Гапни қаранг, «дастлабки 10», яъни унданам кўп уришмоқчи. Аммо қизиқ тарафи, жамоа ўйини қараганингизда, шундай катта гапларга хос пижонликни, ортиқча карнавалча кайфиятни ҳам кўрмайсиз. Ўйин охиригача диққат жамланган ҳолда, мураббий кўрсатмалари, тартиб йўқолиб қолмаяпти.

Неймар, Винисиус, Ришарлисон, Антони, Жезус, Рафинья кабиларни бир ерга йиғиб, фақат майдон ташқарисида ва гол нишонлаётганда байрамона, бошқа пайт жиддий ўйнашга ўргатиш осон иш эмас.

Масалан, Бразилия ўйиннинг қайси палласида бўлсаям, биринчи голни урса, «бўлди, ютди» деб юборяпсизми, сиз ҳам? Бу жамоанинг қанақадир кучли ҳимояга эга эканидан ёки ўйинни яхши ўлдиришидан эмас, аксинча, фақат Бразилия ҳар икки ўйинининг ҳар дақиқасини ўз назоратида ўтказди. Гол урган сари эса, янада кучая борди.

Ҳар сафар турнир давомида ўз мухлисларини, бошқаларнинг симпатиясини кўпайтириб борадиган жамоалар бўлади.

Мен ушбу мундиал бошида бирор жамоага мухлис эмасдим...

Қаҳрамон Асланов.