"Valensiya" "Napoli"ning germaniyalik yarim himoyachisi Diyego Demmega qiziqish bildirmoqda, deya xabar beradi jurnalist Nikolo Skira.
Manbaning xabariga ko‘ra, ispan klubi qishki transfer oynasida futbolchini sotib olish variantini ko‘rib chiqmoqda. "Ko‘rshapalaklar" bosh murabbiyi Jennaro Gattuzoning shaxsan o‘zi yarim himoyachini sotib olishni talab qilmoqda, u avvalroq neapolliklarni boshqargan.
31 yoshli Demme joriy mavsumda “Napoli” safida 3 ta o‘yinda gol urmagan. Uning klub bilan shartnomasi 2024 yilning yoziga qadar mo‘ljallangan.