"Валенсия" "Наполи"нинг германиялик ярим ҳимоячиси Диего Деммега қизиқиш билдирмоқда, дея хабар беради журналист Николо Скира.
Манбанинг хабарига кўра, испан клуби қишки трансфер ойнасида футболчини сотиб олиш вариантини кўриб чиқмоқда. "Кўршапалаклар" бош мураббийи Женнаро Гаттузонинг шахсан ўзи ярим ҳимоячини сотиб олишни талаб қилмоқда, у аввалроқ неаполликларни бошқарган.
31 ёшли Демме жорий мавсумда “Наполи” сафида 3 та ўйинда гол урмаган. Унинг клуб билан шартномаси 2024 йилнинг ёзига қадар мўлжалланган.