Fransiya terma jamoasi bosh murabbiyi Didye Desham JCH-2022 doirasida Tunisga qarshi o‘yinda hujumchilar Olivye Jiru va Usmon Dembeleni asosiy tarkibga kiritmaydi. Ma’lumot uchun, Fransuzlar allaqachon pley-off yo‘llanmasini kafolatlagan.
Bundan tashqari, Teo Ernandes o‘rniga "Real" yarim himoyachisi Eduardo Kamavinga himoya qanotida o‘ynaydi.
L'Equipe xabariga ko‘ra, amaldagi jahon chempionlari uchun boshlang‘ich tarkib quyidagicha bo‘ladi: Mandanda - Pavar, Varan, Konate, Kamavinga - Grizmann, Tchuameni, Fofana - Koman, Tyuram, Mbappe.
30 noyabr, chorshanba kuni Fransiya va Tunis terma jamoalari o‘rtasidagi guruh bosqichi 3-tur uchrashuvi bo‘lib o‘tadi. Uchrashuv Toshkent vaqti bilan soat 20:00da boshlanadi.
