Франция терма жамоаси бош мураббийи Дидье Дешам ЖЧ-2022 доирасида Тунисга қарши ўйинда ҳужумчилар Оливье Жиру ва Усмон Дембелени асосий таркибга киритмайди. Маълумот учун, Французлар аллақачон плей-офф йўлланмасини кафолатлаган.
Бундан ташқари, Тео Эрнандес ўрнига "Реал" ярим ҳимоячиси Эдуардо Камавинга ҳимоя қанотида ўйнайди.
L'Equipe хабарига кўра, амалдаги жаҳон чемпионлари учун бошланғич таркиб қуйидагича бўлади: Манданда - Павар, Варан, Конате, Камавинга - Гризманн, Тчуамени, Фофана - Коман, Тюрам, Мбаппе.
30 ноябрь, чоршанба куни Франция ва Тунис терма жамоалари ўртасидаги гуруҳ босқичи 3-тур учрашуви бўлиб ўтади. Учрашув Тошкент вақти билан соат 20:00да бошланади.
