Hindistonning Kalkutta shahrida bugun shaxmat bo‘yicha «Tata Steel Chess India 2022» xalqaro turniri bo‘lib o‘tmoqda. Unda 10 nafar shaxmatchi qatorida Nodirbek Abdusattorov ham dastlab rapid yo‘nalishida o‘z omadini sinab ko‘rmoqda. Shaxmatchilar bugun 3ta o‘yinda ishtirok etishdi.

Hamyurtimizga bugun mezbonlarning 3 sportchisiga raqiblik qildi. Abdusattorov Santosh Vidit va Gukesh Dommarajuga imkoniyatni boy berib, Seturamanni mag‘lub etdi.

Nodirbek ikki mag‘lubiyatdan keyin jadvalda so‘nggi pog‘onaga tushib ketgandi, g‘alaba uni 9-o‘ringa olib chiqdi. Vatandoshimiz 6 o‘yindan keyin 2,5 ochko jamg‘arib turibdi.

Nixal Sarin 4,5 ochko bilan peshqadamga aylandi. Kecha yuz foizli natija ko‘rsatgan Mamedyarov esa bugun bor-yo‘g‘i 0,5 ochko to‘pladi va 3,5 ochko bilan 3-o‘ringa tushib ketdi. Erigaisi Arjun esa 3,5 ochko bilan 2-pog‘onani band etgan. Kecha so‘nggi o‘rinni egallab turgan Xikaru Nakamura bugun o‘z ochkolarini 3taga yetkazib, 4-o‘ringa ko‘tarilib oldi.