"Manchester Yunayted" mavsum oxirigacha sotilishi mumkin.

BBC Sport xabariga ko‘ra, agar Gleyzerlar klubni sotsa, shartnoma bahorgacha amalga oshishi mumkin.

Avvalroq, 2005 yildan beri klubga egalik qilgan Gleyzerlar oilasi klubni sotishga tayyorligini ma’lum qilgandi. Biroq, agar ular narxdan qanoatlansagina, sotuv amalga oshishi ta’kidlangan.

Yangi xo‘jayinlar "Old Trafford"dagi shoshilinch ishlarni ham moliyalashtirishlari kerak bo‘ladi. Bitim uchun hech qanday muddat belgilanmagan.

Taxminlarga ko‘ra, Gleyzerlarning klub tarafdorlari orasida mashhur emasligi sotuv jarayonida afzallik bo‘ladi, chunki yangi xo‘jayinlar jamoani qo‘lga kiritish orqali foyda ko‘rishlari mumkin.

2005 yilning may oyida gleyzerlar «Yunayted»ni 790 million funt sterlingga sotib olgandi.